పొలంలో మొసలి పట్టివేత

ప్రభాత ఉదయం, మెదక్:  మెదక్ జిల్లా పాపన్నపేట మండల పరిధిలోని ఎనికెపల్లి శివారులోని భారీ మొసలి కనిపించడంతో గ్రామస్తులు భయాందోళనకు గురయ్యారు. వెంటనే వారు అటవీశాఖ అధికారులకు సమాచారం ఇచ్చారు. ఎఫ్​ఆర్​ఓ హిమచందన సిబ్బందితో కలిసి ఘటనాస్థలికి చేరుకున్నారు. మొసలిని బంధించేందుకు రెస్క్యూ టీంకు సమాచారం ఇచ్చారు. సంగారెడ్డి నుంచి వచ్చిన రెస్క్యూ టీం చాకచక్యంగా మొసలిని బంధించి వన్యాప్రాణి సంరక్షణ కేంద్రానికి తరలించారు. ఈ సందర్భంగా ఎఫ్ఆర్​ఓ మాట్లాడుతూ.. మంజీరా నది తీరంలో నీటి మట్టం తగ్గడంతో మొసళ్లు ఇతర వన్యప్రాణులు వచ్చే అవకాశం ఉంటుందని వాటిని పట్టుకునేందుకు యత్నించకుండా అటవీశాఖ అధికారులకు సమాచారం ఇవ్వాలని సూచించారు. సెక్షన్ ఆఫీసర్ శ్రీనివాస్, బీట్ ఆఫీసర్ శారద, సిబ్బంది ఉన్నారు.