ప్రభాత ఉదయం, రాజన్నసిరిసిల్ల: దసరా పండుగ సందర్భంగా రాజన్నసిరిసిల్ల జిల్లా తంగళ్లపల్లి మండలం బద్దెనపల్లి గ్రామ శివారులోని టైడ్స్ (తెలంగాణ ఇన్స్టిట్యూట్ ఆఫ్ డ్రైవింగ్ ఎడ్యుకేషన్ అండ్ స్కిల్స్)లో డ్రైవర్లకు ఉచిత శిక్షణ ఇస్తున్నారు. దసరా హాలిడేస్ సందర్బంగా వారం రోజులుగా ఈఐబీ(ఎడ్యుకేషన్ ఇన్స్టిట్యూట్ బస్) డ్రైవర్లు, ఎక్సోప్లోజివ్ ట్యాంకర్ డ్రైవర్లు,పెట్రోల్, డీజిల్ ట్యాంకర్ డ్రైవర్లు, డ్రంక్ అండ్ డ్రైవ్లో పట్టుబడి లైసెన్స్ సస్పెండ్ అయిన డ్రైవర్లు, యాక్సిడెంట్లో లైసెన్స్ సస్పెండ్ అయిన డ్రైవర్లకు ప్రత్యేక శిక్షణ ఇస్తున్నారు. డ్రైవింగ్ మెళకువలతో పాటు లైసెన్స్ పునురుద్ధరిస్తున్నారు. వివిధ వాహనాలు నడుపుతూ ప్రమాదాలకు గురైన డ్రైవర్లకు ప్రత్యేక శిక్షణ ఇస్తున్నారు. యాదాద్రి భవనగిరి జిల్లా నుంచి ఇప్పటికే 203 మందికి ట్రైనింగ్ పూర్తయింది. మరో 747 మందికి ప్రస్తుతం ట్రైనింగ్ నడుస్తోంది. స్కూళ్లకు సెలవులు ఉండడంతో స్కూల్ బస్ డ్రైవర్లుకు సైతం ఉచితంగా డ్రైవింగ్లో శిక్షణ ఇస్తున్నారు.