ప్రభాత ఉదయం, మక్తల్: నారాయణపేట జిల్లా మక్తల్ మండలంలోని సంగంబండ భీమా కాలువ ఫేజ్-2 దగ్గర నిల్వ ఉంచిన మట్టిని భారత్మాల–167 హైవే విస్తరణ పనులు చేపట్టిన కాంట్రాక్టర్ ఎలాంటి అనుమతి లేకుండానే తరలిస్తున్నట్లు స్థానికులు ఆరోపిస్తున్నారు. ప్రాజెక్టు అవసరాల కోసం నిల్వ ఉంచిన మట్టిని తరలించాలంటే మైనింగ్, రెవెన్యూ శాఖల అనుమతి తప్పనిసరి. కానీ, వారికి తెలియకుండానే మట్టిని తరలించడంపై విమర్శలు వెల్లువెత్తుతున్నాయి. ప్రజలు తమ అవసరాల కోసం మట్టిని తరలిస్తే వెంటనే కేసులు నమోదు చేసే అధికారులు, కాంట్రాక్టర్పై చర్యలు ఎందుకు తీసుకోవడం లేదని ప్రశ్నిస్తున్నారు.