ప్రభాత ఉదయం, సూర్యాపేట : సూర్యాపేట జిల్లా కేంద్రానికి కూత వేటు దూరంలో కొనసాగుతున్న కోహాన్స్ ఫార్మా కంపెనీ (గతంలో సువెన్ ఫార్మాస్యూటికల్స్)ను మూసివేయాలని తెలంగాణ కాలుష్య నియంత్రణ మండలి గురువారం ఆదేశాలు జారీ చేసింది. అక్టోబర్ 28న కంపెనీలోని ప్రొడక్షన్ బ్లాక్ నంబర్–2లో క్లోరోఫాం లీకేజీ ఘటన చేటుచేసుకుంది. ఈ ప్రమాదంలో గాయపడి చికిత్స పొందుతున్న ఓ ఉద్యోగి అక్టోబర్ 31న మృతి చెందారు. భద్రతా ప్రమాణాల ఉల్లంఘన, స్థానికుల నుంచి అందిన ఫిర్యాదుల నేపథ్యంలో పరిశ్రమ మూసివేతతో పాటు, కంపెనీకి విద్యుత్, నీటి సరఫరాను నిలిపివేసేందుకు పీసీబీ చర్యలు చేపట్టింది.