ఆ రాష్ట్రం నుంచి​ రాజ్యసభకు కేంద్రమంత్రి హర్దీప్

న్యూఢిల్లీ: త్వరలో జరగనున్న మధ్యప్రదేశ్​ రాజ్యసభ ఉప ఎన్నికకు తమ అభ్యర్థిగా కేంద్ర మంత్రి హర్దీప్​సింగ్​ పురిని బీజేపీ ప్రకటించింది. ఈ రాష్ట్రంలో ఖాళీ అయిన రాజ్యసభ స్థానానికి ఆయన పేరుకు పార్టీ కేంద్ర ఎన్నికల కమిటీ ఆమోదం తెలిపింది. 74 ఏళ్ల హర్దీప్​సింగ్ ప్రస్తుతం పెట్రోలియం, సహజ వాయువు శాఖ మంత్రిగా వ్యవహరిస్తున్నారు. ప్రస్తుతం ఉత్తరప్రదేశ్​ నుంచి రాజ్యసభ సభ్యుడిగా ఉన్న ఆయన పదవీకాలం నవంబరు 25న ముగియనుంది.

వచ్చే ఏడాది యూపీలో అసెంబ్లీ ఎన్నికలు జరగనుండగా, ఈ అక్టోబర్​లోనే అక్కడ 10 రాజ్యసభ స్థానాలకు పోల్స్​ జరిగాయి. వీటిలో 8 సీట్లను బీజేపీ కైవసం చేసుకుంది. స్థానిక రాజకీయ సమీకరణాల రీత్యా ఈదఫా అక్కడి నుంచి హర్దీప్​సింగ్​ను కమలదళం రీ నామినేట్​ చేయలేదు. ఈ నేపథ్యంలో మాజీ కేంద్ర మంత్రి ఎల్​ మురుగన్​ రాజీనామాతో ఇటీవలే మధ్యప్రదేశ్​లో ఖాళీ అయిన రాజ్యసభ స్థానాన్ని ఆయనకు కేటాయించారు. ఈ స్థానానికి నవంబర్​ 12న ఉప ఎన్నిక నిర్వహించనున్నారు.