ప్రభాత ఉదయం, హైదరాబాద్ : పచ్చి గుడ్లతో తయారుచేసే మయోనైజ్ ఉత్పత్తి, విక్రయాలు, నిల్వలపై తెలంగాణ ప్రభుత్వం మరో ఏడాది పాటు నిషేధాన్ని పొడిగించింది. ప్రజారోగ్యం దృష్ట్యా ఈ నిర్ణయం తీసుకున్నట్లు రాష్ట్ర ఆహార భద్రత కమిషనర్ వెల్లడించారు. ఆహార భద్రత, ప్రమాణాల చట్టం 2006లోని సెక్షన్ 30(2)(a) ప్రకారం ఈ నిషేధ ఉత్తర్వులు జారీ చేశారు. 2026 అక్టోబర్ 30 నుంచి 2027 అక్టోబర్ 29 వరకు రాష్ట్రవ్యాప్తంగా ఈ నిషేధం అమల్లో ఉంటుందని గురువారం విడుదల చేసిన గెజిట్‌ నోటిఫికేషన్‌లో స్పష్టం చేశారు.
