ప్రభాత ఉదయం, యాదాద్రి భువనగిరి: బతుకమ్మ పండుగలో ఆరో రోజుకు ప్రత్యేక ప్రాధాన్యం ఉంది. ఆ రోజున బతుకమ్మను పేర్చకుండా, నైవేద్యం సమర్పించకుండా ఉండటం సంప్రదాయం. అయితే యాదాద్రి భువనగిరి కలెక్టరేట్‌లో ఇందుకు భిన్నంగా ‘అలిగిన బతుకమ్మ’ వేడుకలు నిర్వహించడం చర్చనీయాంశంగా మారింది. ఈ నెల 10న అమావాస్య రోజున బతుకమ్మ వేడుకలు ప్రారంభమయ్యాయి. అప్పటి నుంచి జిల్లావ్యాప్తంగా సంబరాలు కొనసాగుతున్నాయి. తొమ్మిది రోజులపాటు జరిగే ఈ వేడుకల్లో ఆరో రోజును ‘అలిగిన బతుకమ్మ’గా వ్యవహరిస్తారు. సంప్రదాయం ప్రకారం ఆ రోజు బతుకమ్మను పేర్చరు, నైవేద్యం సమర్పించరు. అయితే కలెక్టరేట్‌లో మాత్రం బతుకమ్మను పేర్చి, నైవేద్యం సమర్పించారు. దీంతో సంప్రదాయానికి భిన్నంగా వేడుకలు నిర్వహించడంపై జిల్లాలో చర్చ జరుగుతోంది.
